لقيتها داخل المساعد ديالك

سول Claude ولا ChatGPT "فين نلقى أرخص Galaxy A56 ف المغرب؟" وهو يجاوبك بالأثمنة ديال اليوم من المحلات المغربية، مع الرابط ديال كل محل ووقت قراية الثمن. مجاني، بلا حساب.

العنوان ديال الموصّل

https://lqitha.ma/mcp

بروتوكول MCP (Model Context Protocol)، Streamable HTTP، بلا تسجيل دخول.

Claude

1. ف claude.ai: الإعدادات ← Connectors ← Add custom connector.
2. الاسم: Lqitha، العنوان: الرابط اللي فوق. ما تعمّر حتى حاجة أخرى.
3. ف المحادثة، شعّل الموصّل من قائمة الأدوات وسول على الثمن.

ChatGPT

1. الإعدادات ← Apps & Connectors ← Advanced ← شعّل Developer mode.
2. Create ← الاسم Lqitha، العنوان اللي فوق، Authentication: No authentication.
3. ف المحادثة، ختار Lqitha من الأدوات ولا كتب @Lqitha.

خدام حتى مع أي مساعد كيدعم MCP (Cursor، Mistral Le Chat، VS Code…).

شنو كيقدر يدير

• search_products — البحث عن منتوج وأرخص ثمن ديالو اليوم
• get_product_prices — ثمن كل محل لمنتوج واحد، مع المخزون والضمان والرابط
• get_price_history — تاريخ الثمن، واش نشري دابا ولا نتسنى
• compare_products — مقارنة 2 حتى 5 ديال المنتوجات
• find_deals — أكبر التخفيضات والفرق بين المحلات
• list_categories — الفئات والمحلات اللي كنقارنو

الأثمنة بالدرهم، TTC، كيف كيبينها كل محل. المساعد كيعطيك ديما الرابط ديال المحل: الثمن اللي ف صفحة المحل هو المرجع.

الخصوصية

الموصّل كيقرا غير الأثمنة العمومية. ما كيطلب حتى حساب، وما كيوصلو حتى معلومة شخصية: ما كنسجلوش عنوان IP، ولا المحادثة، ولا شكون سول. كنحسبو غير، كل نهار، شحال من مرة تستعملات كل أداة وشمن مساعد (Claude، ChatGPT…)، والكلمات ديال البحث بلا حتى حاجة تعرّف بيك، باش نعرفو شنو ناقص ف الكتالوج. هاد العدادات كتمسح من بعد 120 يوم. لقيتها ما كيبيع والو وما كياخد حتى عمولة.

ما كيتسجل حتى رقم ديال التلفون ديال البائعين، لا هنا لا ف الموقع.

سؤال؟ hamza@ayyuur.ma